嚮往旅遊

已經來到最後一日了,真係有少少唔捨得,歡樂的時光過得特別快
今日我地會坐21H15的航班,所以可以玩足一日
(坐PEACH航空就有這樣的好處,玩足4日4夜,但只需3晚酒店)
首先,我地會去黑門市場食早餐 

↑日本橋站出口直望就會見到,地點非常易找


↑可能我地較早前往,所以某些店舖還沒有開門,但可見店舖種類挺多的
除了魚市場,還有日用品等等


↑價錢其實都唔平,但選擇種類很多,店舖都會將魚生放在門外,方便人士選購


↑好肥美的三文魚


↑現在看着相片,雖然味道已差不多忘記,但忘不了那份感動,太新鮮了


↑咁靚的吞拿魚就是這位老闆親手主理,這個造型真係型爆,仲好似周星馳


↑這個魚頭真係大到你驚,可能睇相唔知比例,但這個魚頭比我的頭還大
 

↑街頭小食,上邊的八爪魚入面仲有鵪鶉蛋，下邊是燒帶子


↑這個真是極品，好記得要2000円/份


↑這個姨姨好似好嚴肅,但其實佢非常NICE,杯蜜瓜汁仲好正

食夠又係時候趕下一個點 "GUNDAM'S"
這個行程是專為我細佬而設,原本沒有這個行程,因為我興趣不大
但我細佬幾鍾意高達,那唯有將其他景點放在下次旅程,讓細佬朝聖吧

從黑門市場走到GUNDAM'S非常近,直行數分鐘已到達 

↑如果昨天是這樣的天氣的話,這個行程便非常美滿了


↑其實除了GUNDAM'S外,附近還有數間賣玩具的店舖,裏面全部都是毒物
 

↑1:1(我指跟我身高)的模型,應該好多男仕都會變成細佬仔

我細佬當然有收獲啦,但唔知點解連我都.........失守
我地只行了兩間店舖,已經放低了很多金錢
我用的錢竟然跟我細佬差不多,平時在澳門唔捨得買的玩具,在這裏都失守了
到最後我叫我細佬拉着我,不要讓我進第三間,並且快點逃離這個魔域

不知不覺間已行了兩小時,比原定時間多了,所以我地都要加快步伐.因為我地要到大阪城 

↑剛剛還很好天,但到了大阪城,又開始下雨,但還好,只是微微細雨,不影響行程


↑在市中心,竟然可以找到一處寧靜又美麗的地方,真係難得


↑其實當初我考慮放棄來大阪城,因為我不會上天守閣,但第一次來到大阪,就到此一遊吧!!


↑這隻貓咪最初很怕我的,但我站了很久,最後還可以近距離為她拍照


↑這裏給我"天空之城"的感覺


↑又有學生來這裏體驗了,好羡慕
 

  
↑誤打誤撞入了劍道館,第一次親眼觀摩,只是練習,已相當激烈


↑景點入口,總有一些小食店,都是那句說話"""太好味了"""


↑不用多講了...........


↑我地見到這架車,已經在傻笑,因為我地可以又食

↑上邊---炸章魚燒(還是燒的好食),下邊---炸雞件


↑由於時間有限,我地只能輕輕的遊覽一下,下次有時間
我一定會悠然的坐在樹下,看看日本人的生活


↑來到這裏,又點可以少了一張"""到此一遊相"""呢


↑在離開前,我地再食多一次,因為下次都唔知幾時再黎

好了,係時候返酒店取回行李,在坐車途中
細佬突然要求"""不如我地再去多一次若狹家"""
我見還有時間便順應他意,就食多一次,於是我地改為在難波下車,步行到若狹家 

↑↑一路食一路唔捨得,我細佬仲話打包一碗上飛機,我都唔明,點解當時我無咁做


↑臨走,都要啤一啤先
返到澳門,我試下飲返同一品牌,但味道真係唔同

我地準時17H35上到南海電鐵,不過中途都有個""小插曲""(最後才慢慢講,簡直是驚心動魄)
18H20便到達關西機場T1,之後再乘搭接駁巴士到T2
19H15準時開始辦理登記,原本想在辦好後,便返回T1買多少少手信
但由於辦登記時太多人,加上我地的行李嚴重超重,要立即在櫃台旁整理
當成功整理行李後已經20H00左右,已經不夠時間了,所以便在T2發呆
終於到了21H15,PEACH很準時的起飛,這間航空真的很讚
4小時過後,香港時間23H55便到達香港機場,我地辦好入境手續立即衝去坐的士(300元左右)
由機場往碼頭大約30分鐘,剛好可趕到01H30的船,順順利利的完成整個旅程

凌晨4點終於舒服的睡回自己的床,不需再聽到那吵耳的鼻寒聲

""小插曲""
當我地取回行李,就立刻到難波車站,當時距離班車到站時間只剩下半小時
我地已非常怱忙,但竟然中途落雨,仲要唔係普通雨勢,係""暴雨""
我立刻穿上雨衣,而我細佬拿着雨傘,推着兩個滿滿的行李箱,再手持兩大袋手信
不顧一切的直衝,在最後5分鐘左右,我地趕上了,但下半段的褲和鞋已經濕透
幸好的是,我地保住了兩大袋手信(乾乾的)
這個經歷真是一個體驗,但體驗一次就夠了,已是很好的回憶