嚮往旅遊

這樣便第三日了,時間過得真快
今日竟然落雨,影響了出遊的心情,幸好今日只會去清水寺和寺外一帶逛逛
還有就是買手信,老婆好鍾意食生八橋的和菓子,老婆咁大方放我監,我當然會買返d野俾佢啦

我地每日的早餐只會在family mart買少少野食,食完就會出發,爭取時間麻


↑便利店內的肉包真的很好味,我仲買左支牛乳,實在太濃郁了

食完便出發了
我地在祇園四條落車,很容易就會找到正確的巴士站,因為大部份人都是同一方向
巴士到站後,沿途都會有去清水寺的指示,其實無指示都無問題,因為大家都是同一目的地 

 
↑幸好在澳門時已買定即棄雨衣,雖然細件左少少,不過有好過無


↑我細佬話著雨衣太熱,點知俾佢見有間店舖賣草帽,佢諗左一陣就買左
　老闆娘仲好開心咁同佢合照,可能從來都無人買過
　我好鍾意同當地人合照,因為返來後睇相,感覺特別唔同,好比一般風景相
 

  
↑入寺當然要入場費啦,盛惠300円/人


↑終於親身來到了,未有想像中的宏偉,但如果全部都是紅葉的話,可能就大不同了
　所以去日本旅遊,一年四季都去同一地方都無問題,因為四季都不同景象


↑地主神社,相傳對戀愛運有幫忙,神社內真係好多少女


↑我第一時間睇到這個情景,真係似曾相識,好似中國人既.............


↑神砂,我褲袋都好多,唔使用錢買掛

↑用作祈福的紙人,祇需在紙人上寫上姓名,年齡和所祈求的事便可
　可能我太老實,我見當地人是隨手拿一疊並寫在第一張上,便放在水中,而我是只拿一張
　此玩意盛惠200円,自行放在旁邊的箱子便可,因為是沒有工作人員的

↑寺內多處地方都十分優靜,身體感受着涼風,眼睛享受著美麗的景色,返到澳門要俾心機儲錢

↑我企了很久才影到這張相,因為真的很多人,如果假日的話,實在難以想像

 
↑雖然只有少量的紅葉,但都覺得好靚,期待下次能紅葉盛放時再到此地


↑穿著和服的少女,特別靚和優雅(我是指右邊那位)
　如果左邊那位少女睇到此blog時,不要介意,因為你都靚,只係右邊更靚


↑行到寺內底部,發現有一間食店,裡面主要賣soba,我地見雨勢越來越大,唯有食少少野,再睇情況
　當日只有兩款,一冷一熱,我食冷的,而我細佬食熱,估唔到味道十分好,我本人極力推介

食完soba,雨勢細了少許,又繼續出發


↑清水寺的底部,據說寺底部的木材能使用800年,即800年才會維修一次
　實在難以置信,如果我屋企可以100年才維修一次就好了

 

↑這裡算是全寺內最多紅葉的地方

不知不覺行左兩小時,係時候離開清水寺,並開始我地的午餐
我一早選定了今天食日月庵---懷石料理,在出寺後落少少就是了


↑我地選了這兩款懷石料理,一共盛惠7350円,平貴與否,見人見智,不過既然來了,就試下吧


↑可能我地過了午飯時間,店內無人,幸好有店員示意可以入內

↑懷石料理:我想最主要是賣相吧,味道當然是ok,不過不是那種非常好味的程度
　其精美的程度真的無法形容,太有心思了,如果同老婆來,一定很開心,不過一般女性應該食唔哂
　我同細佬已經算了大食形,我地都覺得好飽


↑三年坂,一路行我一路介紹三年坂的歷史俾我細佬聽,相傳如果在三年坂不幸跌倒
　那人會在一年內死去,點知一講完,前面真係有人滑倒,我地笑到癲左,希望佢能平平安安啦


↑二年坂,好多唔同特色的店舖,但由於落雨,所以都無細心留意,下次吧


↑點解個天要我地見到佢,佢雖然只係一個普通的地藏,但係...........


↑地藏背後係一間極為恐佈既店舖---宮崎駿商店,今次真係要出血了


↑雖然門面細細,但入面都幾大,有兩層,我地出來之後,發現唔係出血咁簡單,而係放血.......
　入面所賣的精品,有部份是三鷹之森博物館沒賣的,當然三鷹有的,佢都唔係全部有


↑八阪神社,原本是遊覽完清水寺後,直落到八阪神社,隨後再到花見小路,但天雨關係
　加上買了很多手信和勁多宮崎駿物品,所以放棄了,留待下次吧

期間有一些小插曲,我地離開清水道後,只知往右行
但由於太密雨,又拿著很多東西(重量令雙手都已經發麻了),所以決定唔等巴士
我相信往右行不久便會找到想去的地方,便一直走(係走,不是行)
幸好真的到了八阪神社,我地停底睇一睇地圖,真的給我選對了(哈哈,驕傲中......)

如果想遊八阪神社,只需在清水道出口轉右,一直行10分鐘左右,便會到八阪神社
遊完後再到對面街直行(背對著八阪神社),一直行5分鐘左右,就到花見小路
由花見小路走到祇園四條站只需5分鐘,可算是非常方便

我地先返酒店放低戰利品,然後休息一會後又出動了 

↑是晚食若狹家,佢地既價錢和味道完全正反比,實在太好味了,又新鮮,份量又多,但價錢算是相宜


↑食完刺身飯,又到街邊食過,款式唔算多,大多是章魚燒,其中有間賣餃子
　竟然剛巧是週年紀念,餃子只需100円/6隻,皮薄饀靚,但實在太飽了,唔可以再食多份


↑激安之殿堂,算是日本一大景點吧,但我無咩興趣,入到去大部份人都係講廣東話,好似返左澳門一樣
　要提提的是,在殿堂右邊是一蘭拉麵,我當然有諗過入去食碗麵(剛剛才說太飽),但由於本身對一蘭無咩興趣,加上當時無人排隊,就更加無吸引力(真是犯賤),所以無試到
　返來後便被朋友臭罵,他們說不用排隊都唔食,並說他們因為太多人排隊而食唔到,那我唯有下次食吧
 

   
↑是日宵夜,始終都係明治雪糕好食,右邊那款是因為見到"數量限定"才買,味道ok啦


↑是日戰利品,下面兩個格仔袋是買給老婆的,價格原來是香港澳門6成左右,竟然買到好野了
　而大家見到的油紙傘,是神推鬼撞的買下了(諗返都覺得自己傻傻地)

今日因為天雨關係,影響了行程,但大致上都順利
旅途中總有些事情難以預計,而這些事往往便會成為旅程中的重要回憶
錯過的景點,就留待下次的旅程吧,如果所有的景點都到過了,那還有甚麼藉口去旅遊呢?

哩幾日行程入面,唯一唔開心既事,就係竟然在日本被人偷野
話說之前我買了一把雨傘,到食懷石料理時,我放在門外的雨傘筒
點知出黎之後,發現雨傘不見了,當時有兩個講廣東話的女仔係度,佢地都話唔見左
但我發現佢地身後面有兩把,不過算啦,有些事好明顯
我唔出聲,第一.把雨傘唔貴,第二.我唔想影響我旅遊既心情

今日行程算是輕鬆,但同樣不能早點休息,因為要收拾行李了,明天一早要先寄存行李於酒店
感覺我地的行李已經超重了,徬徨中.........

上一篇：關西之旅DAY2

下一篇：關西之旅DAY4